über de nico

de ramon 'nico' carbonell isch de co-host vom podcast 'schwizer, die mer nöd vergesse söt'.

 

gebore in züri i de mitti vo de 70er jahr, hät er s kv gmacht und isch dänn erscht mal es bitz go reise und isch mit em rucksack und em zelt so zimli um die ganz welt cho. wo s geld dänn knapp worde isch hät er, zwei jahr spöter, s reise an nagel ghänkt und mit em patrick 'zack' zufferey zwei firme gründed i dene beid hüt no tätig sind. de Nico isch job-coach, hät diversi witerbildige absolviert und unterstützt mensche wo s nöd eifach händ  wieder aschluss i de arbetswelt z finde.

 

Wenn de nico nöd grad am esse oder lese isch, macht er lideschaftlich gern sport (Wing Tsun oder mer gseht en mit fründe am basketball spiele) oder er luegt andere debi zue wies bim fuessball oder hockey schwitzed.

 

 

über de zack

de patrick 'zack' zufferey isch de co-host vom podcast 'schwizer, die mer nöd vergesse söt.

 

gebore in züri endi vo de 60er jahr als sohn vome walliser, hät er scho als drüjährige s erschte moitié-moitié verdruckt und seit no hüt, dass er immer für es guets fondue und en fendant z ha isch.

 

nach sinere usbildig binere versicherig, hät er verschiedeni witerbildige absolviert und isch hüt de gschäftsfüehrer vo de firmene wo er mit em nico, de er scho sit 30jahr kennt, gründed hät.

 

de zack finded mer vor allem bim jogge i de wälder rund um züri oder im hockeystadion ame z-match.